Friday, January 14, 2011

தை மகளே வா !

வாடீ!  என் 'தை' மகளே.
தை...! தை...! எனத் துள்ளி குதித்து
என் சித்தத்'தை' குளிர வைத்தாய்

நீ பிறந்த'தை'
நான் அறிந்த'தை'
மனம் மகிழ்ந்த'தை'
'தை'யலே! என் சொல்ல...?

வா! வந்தென் தமிழர் வாழ்வில்
வசந்தத்'தை' வீசிவிடு
வெந்த'தை' தின்று
விதி வந்தால் சாவ'தை'
விரட்டி அடித்துவிடு

பாசத்'தை' நல் நேசத்'தை'
தேசமெங்கும் வி'தை'த்திடு
தேவ'தை'யே 'தை' மகளே
பா'தை'யை காட்டிவிடு
தமிழ் தேசத்'தை'
நாட்டிவிடு.

பொங்கல் வாழ்த்துகளுடன் உளறுவாயன்   
   

1 comment:

சி. கருணாகரசு said...

கவி”தை” மன”தை” ‘தை”த்தது .

உங்களுக்கு என் பொங்கல் வாழ்த்துக்கள்.