Wednesday, September 1, 2010

வரம் வாங்கலையோ....! வரம்.

"நோயற்ற வாழ்வு
குறைவற்ற செல்வம்
வற்றாத பேரன்பு"

காலையில் எழுந்ததும்
படுக்கையிலிருந்தபடியே
கண்மூடி
பரமனிடம் கேட்கும் வரமிது

வரம் தரும் நம்பிக்கையினூடே
காலங்கள் நகரும்...

காரணங்கள் கடந்தும்,
காரியங்கள் நடந்தேறும்

வாட்டியெடுக்கும் வயிற்றுப்பொருமலும்
வாங்கிச்சேர்த்த வங்கிக் கடனும்
வாழ்க்கை மீதே வெறுப்பை உமிழும்

குபீரென கிளம்பும் கோபக் கணைகள்
என் இருப்பையே காலி செய்யும்

அர்த்தமில்லா வரிகளாய்
வாசிக்கப்படுகிறது வாழ்க்கை

அன்பான கணவன்
அறிவான அப்பன்
பண்பான நண்பன்
எனும் தற்செருக்கும்
மரித்துப்போக
மீண்டும் மீண்டும்
வரம் தரும் நம்பிக்கையோடு
நான்.....?

கேசவன்

No comments: